martes, 5 de marzo de 2019

marzo



TABOADC.F



                                       

                   TABOADA CF 2018/2019

                                                                             

                                                               TABOADA CF
                                                                                   

                                                               TABOADA CF B


                                                     TABOADA CF XUVENIL
                                                                                 




                  










                                                                                 


                        Síguenos tamén en:








      


https://www.facebook.com/taboada.cf











TABOADA CF youtube


                    TABOADA CF INS
                            instagram.com/TaboadaCF
                                                                              
                                                                      17/03/19
                                                TABOADA CF 1-SD OUTEIRO DE REI  3


          O Taboada CF caeu derrotado por primeira vez no ano 2019, ao ser superado con xustiza polo Outeiro, que fixo méritos para sumar os tres puntos en liza, sobre todo nos segundos 45 minutos. O partido comezou con nós buscando a porta rival, de feito sacamos 3 corners consecutivos nos primeiros minutos, sen consecuencias. Sen embargo, a primeira ocasión reseñable foi deles, o disparo de Pereira sacouno Juan Potente na liña de gol. O encontro era un toma e daca constante, con dous equipos que buscaban a porta rival.




             Golpeamos nós primeiro no 20' tras unha gran xogada de Moski por banda dereita, foise de todos cantos lle sairon ao seu paso e o seu tiro desde a frontal entrou pegado ao poste dereito. Esto reafirmounos na nosa proposta, pero o Outeiro reaccionou ben e no 26' puido empatar por mediación de Trigo, pero o seu cabezazo estrelouse no longueiro. Puidemos poñer terra de por medio en duas ocasións de Moski e David Potente, pero non tivemos o acerto necesario. Tamén eles puideron acadar o empate nun disparo desde a frontal de Renda que Roi despexou a saque de esquina.




                Os segundos 45 minutos comenzaron semellantes a como rematara a primeira parte, pero pouco a pouco o equipo visitante se foi facendo co dominio e co control do xogo. No 57, Renda probou un libre directo que Roi despexou ben sobre o seu costado dereito, pero no 60' o Outeiro acadou o empate cun gran disparo de Yoni desde a frontal que entrou pegado á cepa do poste.




               Case sen tempo para encaixar o golpe recibido, o Outeiro certificou a remontada no 64' cunha gran acción dun Diego Seijas que nos ten a medida tomada. 1-2 e escenario totalmente diferente.




           Quixemos arrepoñernos e tirar de orgullo para tratar de poñer de novo as taboas no marcador, e tivémolas con Moski e Montes, pero de novo faltounos acerto. E no 72' de novo Diego Seijas, con outro golazo, poñía o 1-3 que acabaría sendo definitivo. No 75' a cousa ainda se puxo máis difícil coa expulsión por vermello directo de Moski. Ainda así, sacamos forzas da flaqueza e fomos capaces de xerar ocasións de perigo, coma unha moi clara de Noé que se lle foi arriba, e outra de Nico de cabeza que non deu embocado a gol. No 90' protestamos un clarísimo penalti a Seso que o árbitro non concedeu.




            Sen moito máis que reseñar, rematou o encontro, na que foi a primeira derrota como locais da tempada. Non debe esto empañar a boa traxectoria que viñamos mostrando, toca resarcirse a semana que vén, toca rendir visita á Pastoriza para medirse ao equipo local.

                                                                             




 
                                                                                




















                                               


                                                                                  
                                                                     
















                                                                                     










                                                         17/03/19
                                                 TABOADA CF 1- QUIROGA CF 3














                                                                          16/03/19
                                               TABOADA CF 1-QUIROGA CF 3

                                                                             







                                                                        16/03/19
                                                TABOADA  1-E. LOURENZA  3
                                                                      











                                                                              10/03/19
                                                   CD SAN CIPRÍAN 1 -TABOADA CF 3


           O Taboada regresou á senda da victoria tralo empate con sabor a derrota da anterior xornada diante da SD Pol. O equipo fixo un partido moi serio diante dun equipo local moi necesitado e que queda nunha situación moi complicada.

                 O partido comezou co Taboada facéndose co control da pelota, facendo correr aos locais, que non acertaban a presionar correctamente e sufrían as nosas transicións. Así, no 11' puxémonos por diante tras unha boa xogada por banda de Migui, e o seu centro ao segundo pau rematouno libre de marca Moski ao fondo das mallas. Os locais intentaron respostar con balóns colgados, pero sen xerar perigo. No 18' voleón espectacular de Jaco que saca cunha boa intervención Madariaga. Precisamente nese saque de esquina gran maniobra de Gabriel dentro da área e novo paradón de Madariaga.

                Parecía que estaba máis cerca o noso segundo gol que o empate do San Ciprián, e así foi. No 30' Migui recolleu un rexeite e batiu por baixo a Madariaga. Todo se nos poñía de cara, e máis cando non sufriamos nada en defensa. Pero, cousas do fútbol, no 46' e tras unha gran xogada de Quelle o disparo de Miguel foi desviado por Ibán contra a nosa propia portería, imposible para Roi. 1-2 e a vestiarios, coa sensación agridoce de ter menos renta no marcador que a que mereceramos.

                   Na segunda parte saimos co firme pretexto de ter o balón e buscar as espaldas dos locais, que sabiamos que ían deixar espazos ás súas costas. No 48' protestamos unha acción que consideramos que era merecedora de expulsión, xa que o defensa local placou a Moski cando este se ía só para encarar a Madariaga. A falta sacouna Ratón pero foiselle por pouco por riba do longueiro.

                     No 57' o San Ciprián quedouse con 10 tralo segundo cartón amarelo para o seu lateral esquerdo. Entendemos ben o novo escenario, e mantivemos a posesión facendo correr aos locais, de xeito que non sufrimos en defensa en ningún momento e ademais sacamos boas opcións para anotar o terceiro.

                     A sentencia chegou no 71' cando Migui bateu por terceira vez na tarde a Madariaga tras unha boa xogada por banda dereita de Moski. A partir de aquí o San Ciprián baixou os brazos e nós limitámonos a manter a pelota no noso poder con posesións longas, das que sacamos outras dúas ocasións claras nos pés de Migui e na cabeza de Poyán, que non tiveron o premio que ambas xogadas merecían. 

                        Ao final, triunfo importante que nos permite seguir na pomada dos primeiros postos. Temos a oportunidade de recurtar puntos cos de arriba a semana que vén, na que nos enfrentaremos ao Outeiro de Rei, en campo ainda por determinar.
                                                                
                                                                            





                                                              














                                                                              10/03/19
                                                    CD    RIO SIL 3-TABOADA CF  B 1
                                                                                   










                                                                               02/03/19
                                                     TABOADA CF 5-SD GUITIRIZ 0
                                                                        (xuveniles)